Miðvikudagurinn 2. febrúar

Sælar stelpur,

Maður er búinn að vera harmi sleginn eftir fregnirnar á sunnudaginn. Eins og flestar ykkar vitið gerðis sá sorglegi atburður að Sindri Snær sonur Steina og Hjördísar lést. Við fórum til þeirra á sunnudaginn og var það mjög átakanlegt eins og gefur að skilja. Krufning fór fram í gær og matið úr því var vöggudauði. Það er mjög gott að það er búið því þá kannski fer spurningunum að fækka. Við kíktum svo aftur á þau í gærkvöldi og var það mjög gott. Steini og Hjördís eru mjög aðdáunarverð, hvað þau eru ótrúlega sterk miðað við aðstæður og hvernig þau takast á við sorgina. Eins og Steini segir þá voru þetta örlögin hans, hann átti bara að eiga eitt ár og þau voru svo heppinn að fá að eiga þetta eina ár með honum.
Líklegt er að kistulagning verði á föstudag og er stefnt að því að jarða Sindra Snæ á miðvikudag í næstu viku. Séra Bjarni og Séra Jóna Hrönn ætla að jarðsyngja hann í sameiningu en það hafa þau aldrei gert áður.

Þetta er svona það sem hefur verið að gerast síðustu daga.

Skrifa fljótlega aftur
Begga