Veikindi og aftur veikindi

Jæja þá er ég loksins búin að ná þessu bloggdæmi.... Við erum nú ekki búnar að vera hressar vinkonurnar þessa vikuna. Sigga Sig fór í akút aðgerð í gær, Sigga Karls er heima með rör í nösunum í sýklalyfjaspúlun og ég er búin að vera heima alla þessa viku með hita og kvef. En allt er þetta orðin tóm miðað við það sem að litla fjölskyldan er að ganga í gegnum, ósjálfrátt reikar hugurinn alltaf til þeirra. Maður skilur ekki hvernig nokkuð svona getur gerst og hvernig þau eiga að geta haldið áfram. En það er víst ekki spurt að því, þau einfaldlega verða!
Við Herdís, Begga og ég erum að fara ásamt mökum til Kaupmannahafnar um helgina, atburður sl. sunnudag varpar óneitanlega skugga á þessa ferð en við erum öll að fara í langþráð frí og reynum að njóta þess eins best og verður á kosið!