Næsti saumó

Jæja skvísur.
Nú er komið að mér að halda næsta saumó. Var að spá í að hafa hann í vikunni. Væri fínt að heyra frá ykkur hvaða kvöld hentar best svo það sé hægt að negla niður dag.

Komin aftur í heiðardalinn

Hæ stelpur mínar.

Vildi bara láta ykkur vita að við erum komin heim og ferðin gekk mjög vel. Þurftum að gista eina nótt í Boston áður en við komumst alla leið heim, en engar tafir eða neitt svol. vesen. Ég er bara búin að vera með þessa ROSA flugþreytu frá því við komum, þurfti að fara að sofa klukkan 9 á kvöldin, mjög ólíkt mér. En er núna öll að ranka við mér, klukkan til að mynda orðin tæplega 12 á miðnætti hérna hjá mér núna.

Við höfðum það rosalega gott á Íslandi. Það er svo gott að vita hvað við eigum góða ættingja og vini á Íslandi. Það var svo gaman að vera með ykkur, takk fyrir okkur. Ég hlakka mikið til að koma aftur í sumar, hitta ykkur allar, sjá Siggu Karls gifta sig, ná vonandi útskriftinni hennar Beggu og hitta nýjasta saumaklúbbsmeðliminn okkar (sem verður vonandi kominn í heiminn um það leiti :-)

Þangað til óska ég ykkur útskriftardömunum innilega til hamingju með daginn og vonandi verður frábært hjá ykkur í Amsterdam, efast reyndar ekki um það þegar þið eigið í hlut. Ég hlakka mikið til að hitta ykkur allar í sumar. Ég panta fjölskyldu-útilegu, er það ekki hægt?

Knús og kossar til ykkar allra, Edda og co.

Átveisla dauðands!!!

Jæja Amsterdamfarar nú er búið að panta fyrir alla út að borða öll kvöldin í Amsterdam. Ef einhver er óánægður þá vinsamlegast látið vita sem fyrst. NB smá breyting er á, Hafdís og ég tókum okkur það bessaleyfi að skipta um stað vegna þeirra ummæla sem Diljá kom með á blogginu. S.s plönin eru eftirfarandi.

1. Fimmtudagskvöld kl. 19.30 www.supperclub.nl
2. Föstudagskvöld kl. 20:00 www.restuarantnomads.nl
3. Laugardagskvöld kl. 20:00 www.fifteen.nl

Ég vona að allir séu sáttir. Ef ekki beinið þá kvörtunum til Hafdísar ;-)

Bestu kveðjur frá einni sem er farin að telja niður dagana.

Beggs

saumó og Amsterdam

Sælar skvísur og gleðilegt nýtt ár!

Á ekki að vera saumó fljótlega? Væri ekki sniðugt að hafa hann og ákveða með matstölustaði í amsterdam? Það styttist óðum í ferðina og við þurfum nú eitthvað að fara að skipuleggja þetta. Ásdís kom með hugmynd að Boom Chicago en það hefur enginn svarað henni enn nema ég :-)

Hver á annars að halda næsta saumó??? Ég er ekki alveg með þetta á hreinu.

Látið nú í ykkur heyra..

Nýtt ár, Nýtt look

Gleðilegt ár allar saman, já og öll sömul :)

Ég datt í smá tölvu stuð og breytti síðunni aðeins. Yfirfór aðeins linkana sem voru uppsettir en óvirkir.. Einnig setti ég nöfn okkar allra undir fyrirsögninni "við sjálfar" þar eru nú bara 3 virkar síður undir. Ef þið stofnið einhverja síðu þá endilega skellið linknum inná.
Ég taldi saman börnin okkar og eru þau orðin 18 talsins, með stjúpbörnum. En aðeins eru 8 þeirra með síðu, af mér vitandi!!

Bið að heilsa í bili... ég fikta kannski eitthvað meira :)