Stelpubíó

Sælar stúlkur.
Hvernig líst ykkur á að fara í stelpubíó bráðum á myndina The Wedding Date? Ég er laus flest kvöld svo gaman væri að heyra frá ykkur hinum hvaða kvöld henti best.

Afmælisveisla Lenu Margrétar og Söndru Óskar

Á sunnudaginn næstkomandi ætlum við að halda afmælisveislu í tilefni þess að dætur okkar eiga afmæli um þessar mundir, Lena Margrét varð 5 ára þann 3.mai og Sandra Ósk verður 9 ára þann 22.mai

Ykkur er boðið í veisluna en hún hefst kl 1700 fyrir vini og börn:)

Gott væri ef þið mynduð kommenta á hvort þið komist eða ekki :)

Hlakka til að sjá ykkur sem flest á sunnudaginn ..
Kveðja Stórfjölskyldan

Próf

Hæ stelpur mínar.

Gangi ykkur rosalega vel í prófunum þið sem eruð að fara í próf. Ég hugsa til ykkar, þið eruð ótrúlega duglegar.

Bestu kveðjur, Edda.

Próf og aftur próf!!!

Nú er tæp vika eftir af þessari próftörn. Mér finnst þetta engan endi ætla að taka. Ekki skánar það því ég á 2 erfiðustu prófin eftir á föstudag og laugardag. En maður reynir bara að massa þetta. Allavega sé ég börnin mín ekkert nema þegar þau eru sofnuð og rétt í mýflugumynd á morgnana.
Kristján er að fara til Köben í fyrramálið og ég er að deyja mig langar svo með, bara aðeins til að kíkja í H&M :-) Getur það nokkuð verið!
Varðandi saumó þá var Arna búin að tala um að halda hann í vikunni 16-20 maí. Ef ekki þá held ég hann bara. Það er alveg minnsta mál.
En svo mætum við í partý 19. maí. Maður má nú ekki missa af allri stemmningunni.

Prófstress kveður í bili

Love is in the air

eða þannig sko..... Við Gummi eigum okkar fyrsta brúðkaupsafmæli næstu helgi, við erum nú ekki búin að ákveða hvað við ætlum að gera skemmtilegt í tilefni dagsins en förum alla vega í brúðkaup 14 maí! Svo er mamma samviskusamlega búin að geyma bita af brúðarkökunni í frystinum hjá sér þannig að við fáum okkur hana í tilefni dagsins! Svo er aftur brúðkaup helgina eftir, eurovisionbrúðkaup eins og við gerðum það! Það verðu sko gaman að halda upp á brúðkaupsafmælið okkur með því að fara í 2 brúðkaup!
Svo að aðal júróvision partýið verður í Eskihlíðinni 19 maí, þegar að Selma keppir í forkeppninni! Ég var svo séð og er fyrir löngu búin að panta langt helgarfrí þessa helgina...júróvision helgarfrí! Og sem fyrr allir velkomnir í partý 19!

Búmm shaka búmm búmm búmm

Jæja stúlkur!

Eins og þið flestar vitið nú er erfingi væntarlegur í nóvember. Mér er farið að líða betur, komin yfir þessar "verstu" vikur með mikilli þreytu og ógleði... Og nú fer ég að springa út eins og gróðurinn (skáldlegt:-)
Annars er allt gott að frétta, geri lítið annað þessa dagana en að sinna fjölskyldunni. Erum búin að sjá Kalla á þakinu, ég mæli með því leikriti, Elsa Björg sat stjörf allan tímann og strákarnir hlógu mikið og sjálf skemmti ég mér mjög vel. Þetta er s.s fyrir allan aldur. Einnig fórum við strákarnir á Klaufar og kóngsdætur um helgina og er það einnig mjög skemmtilegt, dálítið þyngra en það var mjög gaman.
Mai mánuður er greinilega mjög vinsæll til brúðkaupa, því við Stulli förum í þrjú brúðkaup í mai, brjálað stuð og nóg að gera. En skólinn styttist í annan endann, þó er mánuður eftir og börnin þegar orðin þreytt og pirruð á að vera inni og læra, en með hækkandi hita og sól færum við okkur út og gerum eitthvað skemmtilegt:-)
Jæja skvís, hvenær er næsti saumó, ég er farin að hlakka til að hitta ykkur allar....

kossar og knús.